Consortiwn Cymru-Chongqing
Ym mis Mehefin 2011 bu i 11 o golegau addysg bellach Cymru ffurfio consrtiwm Cymru-Chongqing dan faner CollegesWales (UK) International, sy'n cael ei reoli gan ColegauCymru.
Y sefydliadau addysg bellach sy'n rhan o'r consortiwm yw:
- Coleg Penybont
- Coleg Ystrad Mynach
- Coleg Morgannwg
- Coleg Gŵyr Abertawe
- Coleg Caerdydd a'r Fro
- Coleg Gwent
- Coleg Powys
- Coleg Llandrillo Cymru
- Coleg Glannau Dyfrdwy
- Coleg Ial Wrecsam
- Coleg Harlech WEA (N) a WEA (S)
Mae'r consortiwm yn cyflogi Grace Tan,sydd wedi ei lleoli yn swyddfa Llywodraeth Cymru yn Chongqing, China, er mwyn cynrychioli'r consortiwm yn Tsieina. Caiff ei chefnogi gan grŵp ymgynghorol sy'n cynnwys colegau, busnesau lleol, y Cyngor Prydeinig a Llywodraeth Cymru. Lansiwyd y Consortiwm yn Tsieina gan y Gwir Anrh Carwyn Jones AC, Prif Weinidog Cymru, ar 25 Hydref 2011.
Pwrpas y Consortiwm
Mae uchelgeisiau Chongqing yn creu heriau penodol. Mae’n ehangu ar raddfa na ellir ei dychmygu yng Nghymru. Mae angen iddo integreiddio a hyfforddi rhyw 8 miliwn o weithwyr sy’n mudo o’r wlad i swyddi sydd newydd gael eu creu.
Felly mae’n awyddus i ddatblygu partneriaethau gyda cholegau addysg bellach Cymru er mwyn manteisio ar eu hanes rhagorol o lwyddo wrth ddatblygu sgiliau galwedigaethol perthnasol a’u harbenigedd wrth weithio gyda byd diwydiant.
Mae’r datblygiad hwn yn rhoi cyfle gwych i Gymru, ei cholegau a’i dysgwyr, i ddysgu oddi wrth Chongqing ac i ehangu golwg myfyrwyr Cymru ar eu lle yn economi’r byd.
Prif flaenoriaethau’r Consortiwm:
- Cyfnewidiau diwylliannol rhwng myfyrwyr yng Nghymru a Tsieina
- Dewisiadau astudio rhyngwladol
- Gwaith gyda chymheiriaid mewn colegau yn Chongqing i gryfhau systemau sicrhau ansawdd a datblygu arbenigeddau’r cwricwlwm
- Archwilio’r potensial ar gyfer hyfforddiant corfforaethol mewn cwmni ac uwchsgilio gweithwyr a thechnegwyr ymfudol yn Chongqing sy’n cyflym ddatblygu.