28/03/2011
Maniffesto ar Gyfer Dysgwyr
Galluogi dysgwyr i lwyddo a’r economi i ffynnu yw’r prif ddeilliannau y dymuna ColegauCymru eu gweld wrth lansio maniffesto ar gyfer etholiadau Cynulliad Cenedlaethol Cymru.
Mae maniffesto ColegauCymru yn galw ar ymgeiswyr yn etholiadau’r Cynulliad i gefnogi:
- mwy o gyfleoedd dysgu
- canolbwyntio ar wella sgiliau sylfaenol
- hybu llwybrau galwedigaethol mewn modd cadarnhaol
- continwwm dysgu gyda mwy o hyblygrwydd drwodd i lefelau uwch
- gweinyddu effeithiol ac effeithlon
- strwythyr proffesiynol i’r gweithlu addysg bellach.
Dywedodd Prif Weithredwr ColegauCymru, John Graystone: “Mae addysg a hyfforddiant yn borth i gyflogaeth a mwy o hunan-barch. Ond mae gormod o unigolion yn cael eu rhwystro rhag cyrraedd eu nod. Mae economi Cymru’n dioddef ac mae dysgwyr yn wynebu heriau oherwydd:
- mae’r galw am ddysgu’n uwch nag y mae’r cyllid yn caniatáu ar ei gyfer
- mae diffyg sgiliau sylfaenol yn atal nifer o ddysgwyr rhag cyflawni
- o hyd mae gormod o bobl yn cael trafferth i wneud yn dda ar lefel TGAU (Lefel 2)
- mae pwysau parhaol i roi mwy o werth i gymwysterau academaidd na phob math arall o gymhwyster yn difetha symbyliad llawer o bobl ac yn arwain at dangyflawniad
- mae angen mwy o gyfleoedd i astudio’n lleol ac yn rhan-amser ar lefelau uwch (Lefel 4+) a rhaid i bob sefydliad addysg ymrwymo i bartneru er lles dysgwyr
- mae gormod o arian cyhoeddus yn canolbwyntio ar reoleiddio diangen.
Gorffennodd Dr Graystone: “Mae maniffesto ColegauCymru ar gyfer etholiadau’r Cynulliad yn cynnig ffyrdd o waredu rhwystrau’r sustem, galluogi unigolion i lwyddo a’r economi i ffynnu o fewn cyfnod ariannol heriol. Dwi’n mawr obeithio y bydd ymgeiswyr yn etholiadau’r Cynulliad yn cofleidio’r atebion a gynigir yn maniffesto ColegauCymru ac yn ymweld â’u colegau lleol i gyfarfod a staff a myfyrwyr.”
-------------------------------------Diwedd--------------------------------------
Cyswllt: Sylvia Davies ar 029 2052 8384 neu 07968 771913.
Nodiadau i olygyddion:
1. ColegauCymru yw'r enw newydd ar fforwm. Elusen addysg cenedlaethol ydyw sy'n cynrychioli'r 21 coleg addysg bellach (AB) a’r dau sefydliad AB yng Nghymru. Ei genhadaeth yw i godi proffil addysg bellach ymysg y rhai sy'n gwneud penderfyniadau allweddol er mwyn gwella cyfleoedd i ddysgwyr yng Nghymru. Am ragor o wybodaeth ar GolegauCymru ar colegau y mae yn eu cynrychioli ewch at www.colegaucymru.ac.uk
2. Mae etholiadau i Gynulliad Cenedlaethol Cymru yn cymryd lle ar 5 Mai 2011.
3. Cliciwch i ddarllen y maniffesto: Maniffesto ar Gyfer Dysgwyr: etholiadau'r Cynulliad 2011